خالق کا ئنات نے اپنی تمام تر مخلوقات میں سے افضل ترین مخلوق ’’بشر‘‘ کو بنا یا اور روزِ ازل سے اس کی ہدایت کے فیصلے کو لوحِ محفوظ پر ان الفاظ میں رقم فرمایا,:
’’ وَ یھدِی من یشاء ‘‘ یعنی جِسے چاہتا ہوں ہدایت دیتا ہوں ۔
اللہ تعالیٰ نے ہر زمانے میں بنی آدمؑ کی ہدایت کا وسیلہ ’’ آدم ‘‘ ہی کو بنایا۔ ایک لاکھ چوبیس ہزار پیغمبروں نے اپنے اپنے زمانے میں اپنی اپنی قوموں کو اللہ کا پیغام پہنچایا۔ اور خاتم النبیین آقائے دو جہاں حضرت محمد مصطفی ﷺ کی دنیا میں تشریف آوری کے بعد انبیا ء کی آمد کا سلسلہ تکمیل کو پہنچ گیا۔ اللہ کے بندوں کو ہدایت سے سرفراز کرنے کا فریضہ اولیا ء کرام اور صوفیا کرام بھی اپنے اپنے وقت میں سر انجام دیتے رہے ۔اور یہ سلسلہ اللہ کے مقرب بندوں کے ذریعے آج بھی جاری و ساری ہے۔ دورِ جہالت کی طرح آج پھر امتِ محمدی ﷺ ظلمت کے اندھیروں میں بھٹکتی پھر رہی ہے۔ اور اللہ کے یہی مقرب بند ے چراغِ ہدایت روشن کیے گمراہ انسانیت کی تاریک راہوں میں اجالا بکھیر رہے ہیں۔